Frétt

27. maí 2011

Sjóðir í rekstri Stefnis ljúka fjárfestingu í Högum.

Stefnir Íslenski Athafnasjóðurinn I (SIA I) hefur lokið fyrstu fjárfestingu sjóðsins ásamt hópi meðfjárfesta. Fjárfest var í 35,3% hlut í stærsta smásölufyrirtæki landsins, Högum, en seljandinn er Eignabjarg, dótturfélag Arion banka. Eignabjarg á eftir viðskiptin 64,1% af útistandandi hlutafé í Högum. Stofnað var sérstakt félag utan um kaupin, Búvellir slhf., sem er í eigu nokkurra lífeyrissjóða, sjóðanna Stefnis IS-5 og Stefnis - Samvals auk annarra fagfjárfesta. Búvellir á enn þá kauprétt á 10% af útgefnu hlutafé í Högum til viðbótar við þá hluti sem nú voru keyptir.

Kaupin gengu í gegn eftir að Samkeppniseftirlitið samþykkti breytt eignarhald á félaginu og þar með var síðasti fyrirvari í kaupsamningi uppfylltur. Bréfin hafa nú þegar verið afhent til nýrra eigenda og kosin hefur verið ný stjórn í Högum. Búvellir munu skipa tvo fulltrúa í stórn Haga en það eru þeir Árni Hauksson og Hallbjörn Karlsson. Árni var kosinn stjórnarformaður nýrrar stjórnar.

Búvellir
Stærstu eigendur Búvalla eru Hagamelur ehf. (félag í eigu Hallbjörns Karlssonar, Árna Haukssonar, Sigurbjörns Þorkelssonar og Tryggingamiðstöðvarinnar), Gildi lífeyrissjóður, Stefnir íslenski athafnasjóðurinn I og fagfjárfestasjóðurinn Stefnir ÍS-5. Kaupin eru að fullu fjármögnuð með eiginfjárframlögum og enginn hlutur er stærri en svo að svari til 8,5% eignarhlutar í Högum.

Stefnir Íslenski Athafnasjóðurinn I (SIA I)
SIA I er fagfjárfestasjóður undir stjórn rekstrarfélagsins Stefnis. Sjóðurinn fjárfestir í óskráðum íslenskum fyrirtækjum með það að markmiði að auka virði félaganna á um 2-5 árum. Heildarstærð sjóðsins er tæplega 3,4 milljarðar króna en sjóðnum var formlega lokað fyrir frekari áskriftarbeiðnum í mars síðastliðnum. Sjóðfélagar eru margir af stærstu lífeyrissjóðum landsins en þeir standa á bakvið um 2/3 hluta sjóðsins. Restina skipa öflugir fagfjárfestar en saman myndar hópurinn sterkt fjárfestingarbandalag sem er vel í stakk búið að fjárfesta í áhugaverðum fyrirtækjum á Íslandi á næstu árum.
Til baka

Fleiri fréttir

16.október 2020

Unga fólkið vill grænar fjárfestingar

Kristbjörg Kristinsdóttir, rekstrarstjóri Stefnis, ræddi við Viðskiptablaðið um árangur og markmið Stefnis. Þar kemur hún til að mynda inná það að Stefnir er...

08.október 2020

Stefnir hlýtur viðurkenningar fyrir árangur í rekstri

Stefnir er níunda árið í röð í 2% hópi íslenskra fyrirtækja sem uppfylla ströng skilyrði greiningar hjá Creditinfo um Framúrskarandi fyrirtækið árið 2020.

25.ágúst 2020

Fermingarbörn fá mótframlag ef þau kaupa í sjóðum Stefnis

Ef lagðar eru inn 30.000 kr. eða meira í einhvern af sjóðum Stefnis þá fær fermingarbarnið 6.000 kr. mótframlag sem fermingargjöf.

Þessi síða notar vafrakökur. Lesa meira