Frétt

15. ágúst 2012

Arnar Ragnarsson ráðinn í teymi sérhæfðra fjárfestinga hjá Stefni.

Arnar Ragnarsson mun innan skamms hefja störf hjá Stefni í teymi sérhæfðra fjárfestinga. Arnar mun taka þátt í að leiða framtaksfjárfestingar innan Stefnis og mun meðal annars koma að stýringu á Stefni Íslenska Athafnasjóðnum.

Arnar hefur starfað í Arion banka og forverum hans frá árinu 2002. Áður en hann hóf störf í Arion banka starfaði hann m.a. hjá Eignarhaldsfélagi Hagkaupa og Icelandair. Hann starfaði sem sérfræðingur í fyrirtækjaráðgjöf til ársins 2009 og þar á meðal í starfsstöð bankans í Stokkhólmi árin 2007-2008. Frá 2009 til 2011 gegndi Arnar stöðu forstöðumanns fyrirtækjaráðgjafar og hefur frá árinu 2011 verið forstöðumaður viðskiptaþróunar Arion banka. Undanfarin ár hefur hann einkum unnið að stefnumótandi verkefnum ásamt því að sitja í fjárfestingaráði bankans og í stjórn nokkurra dótturfélaga hans, þar á meðal Valitor, Okkar líftrygginga og Eignabjargs.

Arnar er með B.Sc. próf í hagfræði frá Háskóla Íslands og MBA frá INSEAD í Frakklandi.
Til baka

Fleiri fréttir

25.ágúst 2020

Fermingarbörn fá mótframlag ef þau kaupa í sjóðum Stefnis

Ef lagðar eru inn 30.000 kr. eða meira í einhvern af sjóðum Stefnis þá fær fermingarbarnið 6.000 kr. mótframlag sem fermingargjöf.

29.júlí 2020

Jóhann Möller ráðinn framkvæmdastjóri Stefnis

Jóhann Möller hefur verið ráðinn framkvæmdastjóri Stefnis hf. og mun taka við starfinu 1. ágúst. Jóhann hefur starfað á fjármálamarkaði í 20 ár og hjá Stefni...

08.júlí 2020

Ávöxtun sjóða Stefnis 30.06.2020

Stefnir hefur birt ávöxtun m.v. 30.06.2020. Samantektina má sjá hérna fyrir neðan.

Þessi síða notar vafrakökur. Lesa meira