Frétt

14. febrúar 2018

Sjóðir Stefnis kaupa hlut í Arion banka

Arion banki og Kaupþing hafa tilkynnt um sölu á 5,34% hlut í bankanum. Fjórir sjóðir í rekstri Stefnis eru meðal kaupenda. Um eftirtalda sjóði er að ræða:

  • Stefnir – ÍS-5
  • Stefnir – ÍS-15
  • Stefnir – Samval
  • Eignaval Hlutabréf

Arion banki er móðurfélag Stefnis sem mögulega getur leitt af sér hagsmunaárekstra. Stefnir hefur innleitt margvíslegar reglur og ráðstafanir sem m.a. er ætlað að taka á hagsmunaárekstrum og tryggja að starfsmenn félagsins líti með hlutlægum hætti á fjárfestingarkosti. Þar á meðal er stefna um hagsmunaárekstra sem birt er á heimasíðu félagsins.

Í samræmi við lög og reglur horfir Stefnir aðeins til hagsmuna hlutdeildarskírteinishafa sinna þegar tekin er ákvörðun um fjárfestingu. Eftir nákvæma skoðun á Arion banka sem fjárfestingarkosti og að höfðu samráði við innri eftirlitsaðila er það mat Stefnis að fjárfestingin þjóni hagsmunum sjóðanna. Samanlögð heildarstærð sjóðanna fjögurra er um 45 ma. kr. og að baki þeirri fjárhæð eru u.þ.b. 7.000 hlutdeildarskírteinishafar. Fjárfesting sjóðanna í Arion banka nemur 1.300 m. kr., eða 0,73% af útgefnu hlutafé.

Allar nánari upplýsingar veitir Flóki Halldórsson, framkvæmdastjóri Stefnis, floki.halldorsson@stefnir.is.


Til baka

Fleiri fréttir

11.október 2018

Reglubreytingar sjóðanna Eignaval A, Eignaval B, Eignaval C og Eignaval Hlutabréf

Stefnir hefur sent hlutdeildarskírteinishöfum bréf vegna breytinga á reglum nokkurra sjóða. Algengum spurningum sem vakna við móttöku slíks bréf er svarað hér...

09.október 2018

Stefnir er aðili PRI

Stefnir hefur undirritað reglur þess efnis að innleiða og vinna eftir reglum PRI, helsta málsvara ábyrgra fjárfestinga á heimsvísu. Með undirritun reglnanna...

25.september 2018

Skuldabréfasjóðir Stefnis verðlaunaðir annað árið í röð

Stefnir hefur verið verðlaunaður annað árið í röð af breska fagtímaritinu World Finance Magazine fyrir bestu eignastýringu á Íslandi á sviði skuldabréfa.

Þessi síða notar vafrakökur. Lesa meira