Frétt

11. október 2018

Reglubreytingar sjóðanna Eignaval A, Eignaval B, Eignaval C og Eignaval Hlutabréf

Stefnir hefur sent hlutdeildarskírteinishöfum bréf vegna breytinga á reglum nokkurra sjóða. Algengum spurningum sem vakna við móttöku slíks bréf er svarað hér fyrir neðan.

Ef þú hefur frekari spurningar þá vinsamlega hafðu samband við verðbréfaþjónustu Arion banka í gegnum netfangið verdbrefathjonusta@arionbanki.is, í síma 444-7000 eða hjá þínum viðskiptastjóra í Einkabankaþjónustu.

Af hverju fæ ég bréf frá Stefni?

Þú átt eign í þeim sjóði sem kemur fram í bréfinu. Stefni ber skylda til að upplýsa þig um breytingar sem eru gerðar á fjárfestingarheimildum sjóðsins.

Af hverju er verið að breyta fjárfestingarheimildum sjóðsins?

Fjárfestingarheimildir sjóða eru í stöðugri endurskoðun hjá Stefni samhliða breytingum á efnahagsumhverfi innanlands og erlendis. Við bætum þess vegna við fjárfestingarkostum sem við teljum henta sjóðnum á meðan við drögum úr eða takmörkum aðra fjárfestingarkosti. Allar breytingar eru gerðar innan hlutfallsskiptingar eignaflokka sjóðanna svo í flestum tilfellum er verið að skerpa á því í hverju er heimilt að fjárfesta innan eignaflokka s.s. skuldabréfa, hlutabréfa eða annarra fjárfestinga.

Hvar get ég séð fjárfestingarheimildir í mínum sjóði?

Á upplýsingablöðum sjóðanna sem gefin eru út mánaðarlega er að finna töflu sem inniheldur þær fjárfestingarheimildir sem unnið er eftir við stýringu á sjóðunum. Á upplýsingablöðunum er einnig að finna eignaskiptingu, ávöxtun og aðrar upplýsingar um sjóðinn. Reglurnar í heild er svo að finna í útboðslýsingum sjóðanna sem eru í hlekk í hægra horni upplýsingablaðsins.

Upplýsingablöð:

Fjölda annarra spurninga er svarað á heimasíðu Stefnis undir spurt og svarað.

Til baka

Fleiri fréttir

26.maí 2020

Theodór Sölvi ráðinn í hlutabréfateymi Stefnis

Theodór Sölvi Blöndal hefur verið ráðinn sem sérfræðingur í erlenda hlutabréfateymi Stefnis.

27.mars 2020

Ný stjórn kosin á aðalfundi Stefnis

Á aðalfundi Stefnis þann 27. mars 2020 voru gerðar breytingará samþykktum Stefnis hf. sem fela í sér að stjórn félagsins er nú skipuð þremur einstaklingum í...

13.mars 2020

Kristbjörg M. Kristinsdóttir með erindi um virkt eignarhald og meðferð umboðsatkvæða hjá Stefni á ráðstefnu Iceland SIF

Kristbjörg M. Kristinsdóttir, rekstrarstjóri Stefnis var með erindi á ráðstefnu Iceland SIF um virkt eignarhald á Íslandi sem var haldin á Grand Hóteli 4. mars...

Þessi síða notar vafrakökur. Lesa meira