Frétt
Breyting á reglum Stefnis – Lausafjársjóðs
Fjármálaeftirlitið hefur staðfest reglubreytingar fjárfestingarsjóðsins Stefnis – Lausafjársjóðs. Hlutdeildarskírteinishöfum hefur borist bréf vegna þessa og eru breytingarnar taldar upp hér.
- Sjóðurinn hefur nú heimild til að fjárfesta í víxlum og skuldabréfum fjármálafyrirtækja, allt að 50%. Þar er til þess að líta að almennt bjóðast betri kjör þegar fjárfest er í þeim en þegar fjárfest er í innlánum. Áhætta sjóðsins eykst þó almennt ekki við þá ráðstöfun.
- Viðmið um að 10% eigna sjóðsins skuli vera laust hvern dag hefur verið fellt út með vísan til hagsmuna hlutdeildarskírteinishafa. Í ljósi stærðar sjóðsins og með tilliti til bættra aðferða við lausafjárstýringu hans þykir ekki ástæða til að hafa svo hátt hlutfall eigna í lausu fé.
- Framsetningu þóknana Stefnis hf. er breytt en um er að ræða staðlaða málsgrein í sjóðum í rekstri félagsins. Þóknunin sjálf er óbreytt.
- Framsetningu heimildar sjóðsins til hámarksfjárfestingar í einstökum aðilum hefur verið uppfærð til samræmis við að honum er nú heimilt að fjárfesta í víxlum fjármálafyrirtækja. Hámarksfjárfesting í einum aðila er nú 40%, að uppfylltum sérstökum skilyrðum.
Nýja útboðslýsingu má nálgast hér í heild sinni.
Við minnum á að afgreiðslugjald vegna viðskipta með sjóði í netbanka Arion banka hefur verið afnumið.
Frekari upplýsingar um Stefni – Lausafjársjóð má finna hér.
Fleiri fréttir
03.júlí 2024
Tímamót á fasteignamarkaði
Jón Finnbogason framkvæmdastjóri Stefnis ritaði grein sem Innherji birti en Alþingi hefur samþykkt nýja heimild fyrir lífeyrissjóði til að fjárfesta í...
02.júlí 2024
Stefnir – Arðgreiðslusjóður greiðir arð til sjóðfélaga í fjórða sinn
Stefnir - Arðgreiðslusjóður hs. greiðir í dag út arð til 774 sjóðfélaga sjóðsins og nam arðgreiðsluhlutfall 4,1 kr. á hlut eða 4,8% af heildarstærð sjóðsins...
27.maí 2024
Nýr sjóður Stefnis gefur út 4,2 ma. kr. skuldabréf
Sérhæfði sjóðurinn SEL I hs.,hefur gefið út höfuðstólstryggt skuldabréf (SEL 1 27 12) sem verður skráð á First North í sumar.