Frétt

04. desember 2020

Nýir starfsmenn hjá Stefni hf.

Nýir starfsmenn hjá Stefni hf.

Nýlega hafa fjórir nýir starfsmenn gengið til liðs við Stefni. Þessi reynslumikli hópur mun styrkja Stefni í áframhaldandi sókn sem leiðandi sjóðstýringarfyrirtæki á Íslandi.

Theodór Sölvi Blöndal er sérfræðingur í erlenda hlutabréfateymi Stefnis. Theodór er 27 ára gamall, með mastersgráðu í fjármálaverkfræði og áhættustýringu frá Imperial College í London auk þess hefur hann lokið við öll stig CFA. Theodór hefur starfað á fjármálamörkuðum undanfarin ár m.a. hjá Íslenskum Verðbréfum.

Vigdís Hauksdóttir er sérfræðingur í rekstrarteymi Stefnis og mun hún sinna því starfi meðfram meistaranámi í Verkefnastjórnun við Háskóla Íslands. Vigdís er 39 ára gömul og er með BSc í viðskiptafræði frá Háskólanum í Reykjavík. Vigdís hefur starfað á fjármálamarkaði í á annan tug ára og viðað sér fjölbreyttri reynslu.

Þorsteinn Andri Haraldsson hóf nýlega störf sem sérfræðingur í innlenda hlutabréfateymi Stefnis. Þorsteinn er 30 ára gamall og er með BSc í hagfræði frá Háskóla Íslands og MSc í hagfræði frá University of Groningen í Hollandi. Hann hefur jafnframt lokið prófi í verðbréfaviðskiptum. Þorsteinn hefur viðamikla reynslu af greiningarvinnu á innlendum fjármálamarkaði þar sem hann hefur starfað frá árinu 2014.

Eiríkur Ársælsson er sérfræðingur í teymi sérhæfðra fjárfestinga sem rekur m.a. framtakssjóðina SÍA. Eiríkur er 27 ára með BSc í Fjármálaverkfræði frá Háskólanum í Reykjavík, auk þess hefur hann lokið prófi í verðbréfaviðskiptum og réttindum frá Chartered Institute for Securities & Investment (CISI) í Bretlandi. Eiríkur kemur til Stefnis frá Nomura fjárfestingarbankanum í London.

Frá vinstri, Theódór Sölvi Blöndal, Vigdís Hauksdóttir, Þorsteinn Andri Haraldsson og Eiríkur Ársælsson.

 

Til baka

Fleiri fréttir

30.janúar 2025

Haukur Guðnason ráðinn nýr áhættustjóri hjá Stefni hf.

Haukur Guðnason hefur verið ráðinn nýr áhættustjóri hjá Stefni. Haukur býr yfir fjölþættri reynslu á sviði áhættustýringar og fjármála sem mun styðja við...

09.janúar 2025

Framtakssjóðurinn SÍA IV kaupir meirihluta hlutafjár Internets á Íslandi hf.

Samkomulag hefur náðst á milli hluthafa Internets á Íslandi hf. (ISNIC) og SÍA IV slhf., framtakssjóðs í rekstri Stefnis og að meirihluta í eigu lífeyrissjóða...

27.desember 2024

Engin upphafsþóknun af kaupum í sjóðum til og með 10. janúar

Engin upphafsþóknun er við kaup í sjóðum Stefnis frá 27. desember 2024 til og með 10. janúar 2025. Afslátturinn af þóknun gildir við kaup sem eiga sér stað í...