Benedikt Ólafsson hefur verið ráðinn sem nýr forstöðumaður sérhæfðra fjárfestinga. Benedikt hefur starfað hjá Stefni og Arion banka frá árinu 2004. Hann hefur verið annar sjóðsstjóra SÍA I og komið að fjölmörgum öðrum hliðarfjárfestingarverkefnum. Áður var hann í fyrirtækjaráðgjöf Arion banka og þar á undan vann hann við stýringu erlendra framtakssjóða. Fyrir dyrum stendur að loka SÍA II og halda áfram því góða starfi sem unnið hefur verið í teymi sérhæfðra fjárfestinga.