Frétt

17. janúar 2014

Nýir eigendur hafa tekið við Skeljungi

SF IV slhf., félag í rekstri Stefnis hf., hefur gengið frá kaupum á Skeljungi og tekið við félaginu. Ný stjórn hefur verið kosin en hana skipa þau Benedikt Ólafsson, Eva Sóley Guðbjörnsdóttir, Ingi Guðjónsson, Jón Diðrik Jónsson (stjórnarformaður) og Katrín Helga Hallgrímsdóttir. Eigendur SF IV eru Arion Banki, Draupnir-Sigla, Einarsmelur, Festa Lífeyrissjóður, Gildi Lífeyrissjóður, Íscap, Kaskur, PB 1, Lífeyrissjóður starfsmanna ríkisins, SÍA II, Sjóvá, Stapi lífeyrissjóður, Söfnunarsjóður lífeyrisréttinda, VÍS, sjóðir í rekstri Stefnis auk nokkurra lykilstarfsmanna Skeljungs. SÍA II, framtakssjóður í rekstri Stefnis, er stærsti einstaki hluthafi félagsins með um 24% hlut, lífeyrissjóðir eru með um 30% hlut, fjármálafyrirtæki og sjóðir um 25% og einkafjárfestar um 21%.
Um Skeljung

Skeljungur var stofnaður árið 1928 og rekur um 100 afgreiðslustöðvar undir vörumerkjunum Orkan og Shell. Hjá fyrirtækinu starfa um 300 starfsmenn. Þá selur félagið fyrirtækjum um allt land olíu og tengdan varning. Félagið á um 35 fasteignir sem eru samtals um 23.000 fermetrar.

Um SÍA II

SÍA II er framtakssjóður í rekstri Stefnis hf. Hluthafar SÍA II samanstanda af lífeyrissjóðum, fjármálafyrirtækjum og fagfjárfestum. Framtakssjóðir á vegum Stefnis hafa verið leiðandi í framtaksfjárfestingum á Íslandi og hafa, ásamt meðfjárfestum, fjárfest fyrir yfir 20 milljarða í óskráðum félögum frá árinu 2011.

Til baka

Fleiri fréttir

16.janúar 2020

Góð blanda virkar á vaxtaverki

Í Viðskiptablaðinu í dag var birt áhugaverð grein eftir Magnús Örn Guðmundsson, forstöðumann blandaðra sjóða hjá Stefni.

15.janúar 2020

Framúrskarandi árangur sjóða Stefnis árið 2019

Þessa dagana er verið að birta auglýsingar í viðskiptablöðum og á samfélagsmiðlum um ávöxtun sjóða Stefnis.

25.október 2019

Stefnir er framúrskarandi fyrirtæki 2019

Stefnir var valið eitt af framúrskarandi fyrirtækjum á Íslandi samkvæmt greiningu Creditinfo. Stefnir hefur hlotið þessa viðurkenningu frá árinu 2012 og er...

Þessi síða notar vafrakökur. Lesa meira