Stefnir gefur út ófjárhagslegar upplýsingar í sjálfbærniskýrslu sinni í þriðja skiptið árið 2023 og vill með því hvetja aðra til að gera hið sama og stuðla að gagnsærri upplýsingagjöf varðandi þá mikilvægu þætti sem umhverfi, félagslegir þættir og stjórnarhættir eru í starfsemi félagsins. Stefnir vinnur skráningu ófjárhagslegra upplýsinga eftir UFS viðmiðum NASDAQ.

Stefnir fær upplýsingar vegna umhverfisþátta frá KMPG en þeir eru reiknaðar miðað við hlutfall starfsfólks í lok árs innan höfuðstöðva Arion banka þar sem Stefnir er til húsa. Við útreikning á umfangi 3 er notað gögn um flugferðir, leigubílaferðir og samgöngur starfsmanna ásamt úrgangi og gagnaeyðslu starfstöðvarinnar. Gögn sem snúa að mannauði koma m.a. úr mannauðskerfi móðurfélags Stefnis og gögn sem snúa að stjórnarháttum byggja á stjórnarháttayfirlýsingu Stefnis. Ófjárhagslegar upplýsingar hafa verið endurskoðaðar og staðfestar með takmarkaðri vissu af endurskoðunarfyrirtækinu Deloitte.

Árangur á árinu 2023

Á árinu 2023 var tekinn saman fjármagnaður útblástur gróðurhúsalofttegunda frá eignum sjóða í rekstri Stefnis og birt við því tengt skýrslu þar sem koma fram meðal annars upplýsingar um losunarstyrk fjárfestingar fyrir hverja 1 m.kr. fjárfesta í tilteknum sjóðum. Aðferðafræðin sem notuð er við útreikninginn byggir á aðferðafræði Partnership for Carbon Accounting Financials (PCAF), alþjóðlegs samstarfsvettvangs fjármálafyrirtækja sem hefur það meginmarkmið að samræma mat á umfangi losunar gróðurhúsalofttegunda.

Katla Fund Global Equity, erlendur sjóður í stýringu Stefnis, var skilgreindur samkvæmt grein 8 (Article 8) í reglugerð Evrópuþingsins og ráðsins um upplýsingagjöf tengda sjálfbærni á sviði fjármálaþjónustu (e. SFDR) árið 2022. Fleiri sjóðir bættust í hóp 8.gr. sjóða Stefnis í upphafi árs 2024 en sjóðirnir Stefnir - Scandinavian Fund - ESG, Stefnir – Sjálfbær skuldabréf, Stefnir – Grænaval og Stefnir Sustainable Artic Fund fengu samþykktar reglubreytingar sjóðanna frá Fjármálaeftirliti Seðlabanka Íslands Sjóðirnir þurfa við þessa breytingu að upplýsa um með hvaða hætti er tekið er tillit til áhrifa á sjálfbærni í fjárfestingarákvörðunum sínum og vonast er til að breytingarnar falli vel að óskum viðskiptavina Stefnis.

Stefnir stofnaði þrjá sjóði sem taka sérstaklega mið af sjálfbærni á árinu 2021 og félagið hefur verið leiðandi í framboði á sjóðum á sviði ábyrgra fjárfestinga (UFS-sjóðum). Sjóðirnir eru „Stefnir -Scandinavian Fund - ESG“, „Stefnir – Sjálfbær skuldabréf“ og „Stefnir – Grænaval“. Stefnir – Scandinavian Fund ESG hefur hlotið AAA-einkunn MSCI, þá hæstu sem veitt er og er hann fyrstur íslenskra sjóða til að hljóta þessa einkunn. Sjóðurinn er þar með kominn í flokk með fremstu sjóðum í heiminum með tilliti til UFS þátta. Í greiningu MSCI kemur fram að „Stefnir – Scandinavian Fund ESG“ mælist ofar en 94% sjóða sem MSCI veitir einkunn, en þeir eru um 34 þúsund talsins á heimsvísu.

Stefnur um sjálfbærni og ábyrgar fjárfestingar 

Stefna um sjálfbærni og samfélagslega ábyrgð var samþykkt af stjórn í upphafi árs 2022. Stefnan lýsir sjálfbærniáherslum Stefnis til lengri tíma og hvernig félagið tileinkar sér sjálfbærni í starfsemi sinni og við stýringu fjármuna samkvæmt umboðsskyldu félagsins. Stefnuna má finna á heimasíðu Stefnis. Félagið hefur einnig sett sér stefnu um ábyrgar fjárfestingar. Stefnan miðar að því að stýra fjármunum í eigu viðskiptavina með hagsmuni þeirra að leiðarljósi út frá umhverfisþáttum, félagslegum þáttum og stjórnarháttum. 

Ófjárhagslegir lykilmælikvarðar Stefnis

• G2. Óhæði stjórnar: Óháðir stjórnarmenn voru tveir á móti einum háðum stjórnarmanni á árinu 2023.
• G5. Siðareglur birgja: Allir birgjar skulu upplýstir um siðareglur birgja umfram ákveðin fjárhæðarmörk.
• G6. Siðferði og aðgerðir gegn spillingu: Stjórn samþykkti siðareglur árið 2022 sem endurspegla þau siðferðisviðmið sem stjórn og starfsmenn vinna eftir en önnur viðmið um sama efni má einnig finna í ráðningasamningum starfsfólks, stefnu um hagsmunaárekstra og starfsreglum stjórnar. Stjórn samþykkti einnig reglur Stefnis um aðgerðir gegn peningaþvætti og fjármögnun hryðjuverka árið 2020.
• G7. Persónuvernd: Stefnir hefur sett sér stefnu um persónuvernd sem sjá má á heimasíðu félagsins.
• S4. Kynjafjölbreytni: Hlutfall kvenna í störfum í efsta starfsmannalagi var 33% á árinu 2023 en innan fyrirtækisins var hlutfall kvenna 29%. Markmið stjórnar um aukna fjölbreytni lýtur að því hlutfall kvenna meðal starfsfólks félagsins verði 40% í lok árs 2024.

Samþykkt af stjórn Stefnis
21. febrúar 2024

Ófjárhagslegar upplýsingar Stefnis 2023

Álit Deloitte með takmarkaðri vissu 2023